Download un Spiekern

Se hebbt op Download klickt un dormit den Download vun'n Adobe Reader anfeddert. De eerste Datei, de Se to sehn kriggt, is allerdings de Adobe Download Manager. So geiht dat wieder:

Toeerst kümmt düt Fenster. Hier klickt Se op de Opschoon Speichern. — Düsse Opschoon bedüüd, dat Se eerstmaal den Adobe Download Manager op SeEhr Fastplatt spiekert un em denn vun dor ansmiet. He nimmt denn de Saak in de Hand un regelt den egentlichen Download vun de Programmdatei. — Dorna klickt Se op OK.

Nu much Windows geern weten, woneem dat de Programm-Installaschoonsdatei denn henspiekern schall, sodraad de Download fardig ist. Geevt Se en Ordner an. Dat daat Se mit de Utklapp-List blangen dat Feld Speichern in. — Hauptsaak is, Se finnt de Datei later ok wedder!

Tipp: Extra Ordner

Wenn Se faken sowat daat, denn lohnt sik dat, wenn Se sik'n Ordner för rünnerladen Saken maakt, de Se achterna wieder verarbeiden wüllt. De Ordner kann to'n Bispill "Downloads" heten oder (as bi mi) "temp". ("Temp" steiht för temporär, bloots för en Tied.) - In den Ordner köönt Se denn jümmers rünnerladen Saken aflegen.

Darna klickt Se op den Knoop Speichern. — Nu löppt de Adobe Download Manager bi Se op de Fastplatt.

Wenn de Download toenn is, köönt Se dat Fenster tomaken (wenn sik dat nich al vun sülven tomaakt).

De Datei vun'n Download-Manager is nu in den Ordner landt, den Se in dat Spiekern-Fenster utwählt harrn. Nu maakt Se alle Websieden to, de Se jüst apen hebbt, avers nich de Internet-Verbinnung (!). Dat Se den Adobe Reader würklich laden un installeern köönt, mööt Se den Download Manager duppelklicken. So geiht't:

Nu fangt de Download vun de Programm-Installaschoonsdatei an. Je nadem, wa gau SeEhr Internetverbinnung is, geiht dat husch-husch orr schnarch-schnarch.


    Tipp: Download-Duur? Keen Panik!

    Heel an'n Anfang vun en Download wiest dat Download-Fenster so'n Afschätten vun de Tied, de dat meent, dat dat de bruken ward. Dat is mehrst Tüünkraam. Na'n paar Minuten hett sik dat inpendelt, un denn stimmt de Tied mehrst ok.

    Liekers, Gedüür mutt een doch hebben. Mit'n trödeligen Modem an'n normalen Telefonansluss duurt dat ja üm un bi een Stünn!? Ja. Un wat is dar so leeg bi? De Kosten? Wat betahlt Se denn för 1 Minute online? Üm un bi 1 Cent. 1 Stünn online sünd 60 Cent. Dorför gifft dat'n utwussen Programm. Keen Panik also!

Sodraad de Download trecht is, fangt de automaatsche Installaschoonsvörgang an.

Hier geiht't wieder in'n Text!