Engels
in uns Läben: Engels inne Bibel vun Behrend Böckmann An 305 Stellen sallen Engels inne Bibel vörkåmen, un Bibeldüder hollen dei Engels för den Hoffstaat vonn leiwen Gott. Sie sünd dei Apportendräger twischen Gott un den Minschen un wåken wer dei Minschen un ehr Hüs. Mit dat Christendaum hett sik sowat as 'n Engelskult utbillt, un dat geef Tieden, dör würn leiwer dei Engels as dei leiwe Gott anbädtt. Dorüm hett Papst Zacharias int Johr 745 nå J.C.n Order rutgäben, dat dei Engelsanbäderie utblieben süll. Dat hett wer nich väl hulpen, denn Målers as Giotto (1266-1337) un Raffael (1483-1520) hemm von Niegen Engels målt, un ierst dörch den schwatten Dod, Inquisitschon un Düwelsutdriewerien hett dat Engelsvertrugen nålåten.
Mitn Barock un dei Reformatschon güngt denn wedder los, dat Engels hier un dorn gröttere Rull as dei leiwe Gott spält hemm. wer wat hett dat nu mit dei Engels as Gott sienen Hoffstaat up sik? Inn Gägensatz tau uns Ierd mit Minschen un Dierten un dei Sünn, den Månd un dei Stierns as wat, dat würklich dor is, hett Gott dei Engels as geistig Wäsen måkt un sei ganz in sien Neech bi sik inn Häben ünnerbröcht. Wäsen ut Fleisch un Blaut knen Engels as geistig Wäsen nich seihn. Engels sünd noch mihr as dei Minsch dat Äbenbild vonn Schöpfer un sei läwen dorher ewig, sei möten nie nich starben. Giern lött man in dissen Tausåmenhang Lukas (20, 36) tau Wurt kåmen, dei dor schrifft, dat dei, dei so as Jesus uperståhn, nich noch eins starben knen, denn sei sünd unstarflich un denn Engels gliek. Ok mit dei Flüchten is dat sonn Såk. Kein Minsch hett bet hüt n Engel mit Flüchten seihn; Flüchten hett hei blot inn Kopp vonn Minschen un up Biller, wecker dei Minsch von em målen deit. Dei Flüchten sallen up dei Leichtigkeit hendüden, mit wecker sonn Engel twischen Gott un den Minschen, twischen Himmel un Ierd Apporten hen- un herdröcht.
Un dat geiht noch wieder, wat dei Ordnung inn Häben angeiht. Dei Engels knen nich all dörcheinanner den leiwen Gott ümgäben, sonnern sei sünd as sien Soldaten in Schoren indeilt. Un so sünd sei ünnereinanner nich all gliek un hemm ok nich all datsülwig tau daun. Dei mirsten Engels hemm keinen Nåmen; ein Utnåhm sünd dei drei Irzengels: Gabriel, Rafael un Michael. All dei annern warkeln rümmer. Inne ierste Reich, gliek ganz dicht näben Gott, sünd dei Seraphim tau finnen. So'n Seraph ("Seraphim" is dei Plural) ward as n Wäsen mit söss Flgel målt un schlächt mihr nån Draken as nån Engel. Twei Flüchten höllt hei sik vört Gesicht, mit twei Flüchten deckt hei sik dei Fäut af, mit dei twei annern flücht hei un höllt dorbi inne Hänn gläunig Kåhlen, dei as Blitzen vonn Häben lüchten. Ut dissen Grund heitens ok dei Gläunigen.
Näben dei Seraphim ståhn dei Cherubim von gliek hogen Rang. Gott hett sei för besonnere Upgåben insett, taun Bispill as Uppasser fört Dur vonn Gorn Eden, nådem Adam un Eva sik dor versünnigt harrn. Sei gellen as dei Klauken un sünd vont Utseihn her wull bäten minschenähnlicher utfollen as dei Seraphim. Upn glieken Rang as dei Seraphim un Cherubim ståhn noch dei Throne as drüdde Schor von Engels. Dei Seraphim, Cherubim un Throne sünd tausåmen dei Beråder vonn leiwen Gott. Upn tweiten Rang finnen wi wedder drei Schoren von Engels; sei sünd dei Verwalter inn Häben. Un upn drüdden Rang finnen wi noch drei anner Schoren as Apportendräger inn Häben. Ein Schor in dissen Rang sünd dei Ärzengels, ein anner Schor dei Schutzengels. All Engels up dissen ünnersten Rang sallen as böbelste Engels den spirtuellen Kontakt twischen Gott un den Minschen knüppen knen. Un ünner disse böbelsten Engels is Michael sihr bekannt, hei ward an meisten verihrt, dor hei alle annern Engels vörangeiht. Matthäus schrifft in sien Evangelium (28, 1-6), datn Engel inn witt Kleed mitn Ierdbäben vonn Häben keem un verkünnen däd, dat Jesus, dei ant Krüz någelt wür, nich miht int Graff licht, sonnern uperståhn is. Von dorher ward ok annåhmen, dat uns Minschen disse Schor von Engels, vonne Flüchten mål afseihn, ann neechsten kümmt.
Nu weiten wi, dat wi von dei "Himmlischen Heerscharen" snacken, ein Strietmacht ünner dat Kommando von Irzengel Gabriel. Na all överleverte Traditschonen sünd dei Engels also Mannsminschen. Kannst seggen, dei hilligen Bäuker sünd ja ok von Mannsminschen schreven kannst nix bi måken. Man bloots hüüt... Klauke Lüd mit wenig Plie Klauke Lüd weiten nich recht, Un einer, dei noch kläuker is, Gottvadder is sik nich mihr wiss, Tweidusend Johr wüsst jedet Kind,
Von Bedüdung is noch, dat allens natüürlich na dei överleverten Geschichten Gott dei Engels måkt hett, as hei gor nich doran dacht harr, dei Ierd un all den annern Kråm tau måken. Un gråd in disse ierste Tiet hett sik dat all taudrågen, dat dei Engel Satanel nich Gott sien Wark sien wull; hei hett sik upbömt, un ein Drüddel von all dei Engels hemm sogor mitmåkt. Dat hett sik dei leiwe Gott wer nich lang mit ankäken un sei standepeh verdammt. Gott leet disse Engels fallen un sei würn as follen Engels inne Höll steckt. As Wäsen ute Höll sünds as Düwel, Satan, Luzifer un Belzebub bekannt un mierstendeils nich engelsbleik, sonnern pickenschwatt målt. Dorbi föllt mi n Beläwnis inn Kongo in. Dor wullen dei Schwatten nich inseihn, as Missionare sei vör Tieden tau Christen bekihren wullen, dat Engels so hübsch un witt sünd. För sei wiern dei Engels schwatt un dei Düwel witt! Un dat mach ok inlüchten; un so sall jederein wiederhen dei Schöpfungsgeschicht för sik so utleggen, as em dat geföllt.
29.4.2023
|