Luster eis Gott, vandaoge feuher ik mit Auto los, morgen
werd köfft, dat neie Huus schall nao teihn Monaote staohn,
denn trecket wi in, krieget dat darde Kind, dat eierste schicket
wi in dei Schaule, dat Geschäft werd grötter maoket, den
Kompagnon schmiet ik rut, koope den Rest vant Aktienpaket,
wer Vörsitter van dei Waschkmiddelsellschkup, wessel dei Fründin
ut, dei Bungalow inn Tessin mutt her, dei Gören ligget
mi nich mehr uppe Knippen, dei Frau werd opereert, ik bün Generaoldirekter,
vellicht Prostata, dei werd repareert, man is seßtig, dei
Konzern is gesund, dat Grundkapitaol schütt in dei Höchte,
beste Utsichten för dei taukaomen teihn Joahr, wat segg ik,
för twintig luster eis, Gott, und gaoh mi nich dor tüschken!