Dei UNO keem1951 up den Infall, dat Böm un Holt in ehr Bedüdung för Läben un Wirtschaft ihrt warden un dat 'n ut dissen Grund Böm planten sall. Un man hett sik up den Geburtsdach von Julius Sterling Morton (1832-1902) besunnen, dei von 1893-97 Landwirtschaftsminister ünner denn 22. Präsidenten Grover Cleveland (1837-1908) wier un sik vördem all 'n Nåmen as Gouverneur von't Nebraska-Territorium måkt un ok väl för dei Grünnung von Naturschutzrebeits dån harr.

So würn em tau Ihren dei Bom- un Holtfieerdach up den 25. Prilmånd fastlecht. Ein Johr låters kreech vör 71 Johr dei Hödekring Düütschet Holt (Schutzgemeinschaft Deutscher Wald) den Infall, tau Ihren von dissen Fieerdach Böm tau planten, üm dei dörch den Krieg verlustig gåhn Holtbestänn tau ersetten. Un an'n 25. Prilmånd 1952 planten dei Präsident Robert Lehr von'n Hödekring Düütschet Holt un dei dunnemålig Bundspräsident Theodor Heuss 'n Barchahurn in'n Bonner Hoffgorn.

Dei wunnerschöne Barch-Ahurn

Von dunn an wür "Bomdach" jedet Johr düütschlandwiet in jedet Bundsland fieert.

Dei Murbark, aktuelle Bom von't Johr, kiekt wat gnatterich tau

Un näben dei Plantakschonen geef dat ok alle Johr 'n Akschonen taun Johresbom, as dat wiern taun Bispill

Akschonen beiden in Verbinnung mit Böm un Holt ok dei teihn Kladderanlågen von Bom tau Bom, drei Sommerrodelbåhnen un dei Bomwipfelpadden inne Ivenacker Eiken, in't Hieringsdörper Holt up Usedom un dei Bomwipfelpadd Rügen bi Prora. Dei Bomwipfelpfade sünd die Attrakschonen för Touristen un güngen all ierst nå 2000 in Betrieb: dei 11.250 m lange Bomwipfelpadd Rügen bi Prora mit 'n 40 m hogen Kiekut is siet 2013 dat Beläwnis in't Natur-Arf-Zentrum Rügen. 2017 wier dei Bomkronenpadd Ivenacker Eiken fardig un man kümmt œwer'n 620 m lang Padd inne Hööchde von Bomzöpp taun 40 m hogen Kiekuttorm. Un 2021 keem denn noch dei Bomwipfelpadd Usedom in'n Heringsdörper Holt mit 'n Läng vun 1.350 m un 'n Kiekuttorm mit 'n Hööchde von 33 m hentau.

Dei Bomwipfelpadd Beelitz in düsse Johrstied — wunnerschön

Näben Plantakschonen un Holtbeläwnisse ward ok dei Bedüdung von Böm un Holt för 't Klima as Spenner von Schatten un klamig Luft beschnackt un ok, dat Böm dat för dei Ierderwarmung taustännige CO2 in för uns Läben wichtigen un nödigen Suerstoff ümwanneln kœnen. Un an'n Bomdach kann 'n ok wunnerwarken œwer

Böm un Holt erhollen, dat måken sik Organisatschonen as NABU, Robin Wood, Pro Wildlife, Germanwatch orrer "Rettet den Regenwald" un noch väle anner taun Upgåf, dei Böm un dat Holt tau schützen, den Rägenwald un dat Jumfernholt (Urwald) tau erhollen. Un dor gifft dat noch einen Bom, denn man ihren kann: den biblischen Bom ut'n Gorn Eden, ünner den sik Adam un Eva versünnigt hemm' un dördörch starflich würn. Un dei Natur hett uns för Dod un Truer dei Truerweiden, Truerbarken un Truerbäuken gäben.