Karl H. Nissen

Löwen in Lübeck

As dat los güng mit uns Stadt, dor weer Graf Adolf de Herr. He harr avers noch enen över sik, dat weer Hartog Heinrich de Löw. Bi unsen Dom steiht hoch baben en Löw, dat is dat Afbild vun den, de in Braunschweig steiht, wo Heinerich to Huus weer. Stifft hett Lisa Dräger unsen Löwen hier an'n Dom.

Binnen in den Dom findt wi noch enen Löwen, de is en beten lütter un, de is ene Löwin. De Mann dorto — he harr en grote Mähne — de is in'n Krieg verloren gahn.

"Hülp! Hier sünd veel to veel Telgen üm mi!
Un woso laat ji mi hier hulen as'n Wulf?"

"Un dat is mi hier veel to hooch! Ik heff Hööchtenbang! To Hülp!"

Güllen Lööw in'n Dom

Nu harr Heinerich — he weer woll so 'n lütten Querkopp — Arger mit den Kaiser. De hett uns Stadt angrepen. In 't Lauerholt — dat sall "Löwenholt" bedüden — harr de hohe Herr sien Lager un he nehm jümmers en poor Löwen mit up de Reis. De sünd denn hier bleven, se wörrn goot fodert, man enen Dag sünd se doch storven. Dor hebbt de Lübecker de Deerten utstoppt un in 't Raathuus ünner dat Dack up de Balken stellt. Dor stünnen se lange Tiet, bet se nich mehr goot antokieken weern.

De güllen Lööw in'n Doom is en freedvulle Kumpaan,...

...he smuustergrient anduernd

He slöppt

Dat geev aver al anner Löwen in Lübeck. Daniel Jakobi, he gell as de riekste Mann in Lübeck, hett 1840 twee Löwen ut Gußiesen vör sien Huus in de Grote Petersgruuv upstellt.

Holstendorlööw: He is waak

"Du Fuuljack, stah op, du Slaapmütz!"

De sünd later ümtrocken un stünnen vör dat "Hotel Stadt Hamborg" an'n Klingenbarg. As dat Hotel in'n Krieg afbrennt is, sünd de Löwen wedder wannert. Nu liegt se vör dat Holstendoor un warrt fix fotografiert.

"Holl dien Muul, du nervst!"

Gaht wi över de Borgdoor-Brüüch, denn draapt wi wedder twee Löwen up hoge Sockel. Een passt up, hett den Kopp hooch, de anner süht recht mööd ut.

Borgdoorlöwen: "O nee, ik föhl mi so slapp!" — "Riet di tosamen, du Waschlappen!"

Dat Borgdoor, vun Ludgerd Lüske gestalt'

Borgdoorlöwen in't Avendlicht

"Afthekenlööw, dulle Job! An'e Wand backen mit Bookstaven un en Latücht ünner mi, dat is för'n Löwen ook keen Droom, segg ik di!"

Buten in de Vörstadt an de Moislinger Allee gifft dat en nie Siedlung, de heet "Roter Löwe" na enen ollen Kroog.

"Nu föhl ik mi ok al ganz mööd..."

Un mirrn in uns Stadt, an de Eck vun de Königstraat un Julius-Leber-Straat, steiht de Löwen-Afteek al meist 200 Johr, un vun de Muur kiekt en Löw dal, de ganz ut Gold is.

Grafik: Ludgerd Lüske