Anke Nissen
Toxisch Planten


Na Folg 1, Folg 2, Folg 3


Maiglöckchen (Convallaria majalis)

Besünners giftig: Blöden
Gift: Hartglykoside

Dat Maiglöckchen mit sienen söten Duft un seine lütten witten Blödenglocken hebbt de Lüüd so geern, dat disse Bloom in meist jeedeen Goorn blöht. Vele meent, dat de betören Duft gegen Swindel un Koppweh helpen kann. Aver uns Maiglöckchen is giftig! Besünners giftig sind die smucken Blöden. Ehr Gift, de so nöömten Hartglykoside, laat dat Hart mit mehr Knööv slaan, aver langsamer — bet hen to'n Stillstand. Disse Blöden smeckt to'n Glück so bitter, dat se meist jümmers bi'n eersten Versöök utspuckt warrt. De Bitterstoffe sünd ja en natürlich Wohrschuug vör Gift. Ut den Grund gifft dat mit disse toxisch Plant wenig Probleme.

Symptome bi Vergiften mit Maiglöckchen sünd (as bi'n Fingerhoot):

  • Övelsien
  • Brechreiz
  • Een kann nich mehr goot kieken
  • Dood dörch Stillstahn vun't Hart

Eerste Hölp: Medizinisch Kohle un Natriumsulfat to'n Afföhren.

Ginster (Genista tinctoria)

Över Ginster hebbt wi hier op Plattpartu utföhrlich schreven. De Plant kümmt överall bi uns vör, sünnerlich op arme Böden. Vele Orten vun'n Ginster hebbt dat Gift Cytisin in sik, so ok de Düütsche Ginster (Genista germanica). Dat is datsülvige Gift as in'n Guldregen. Intressant: Cytisin ähnelt dat Nikotin, dat ja ok en Gift is, maakt aver nich süchtig. Dorwegen warrt dat medizinisch ok as Tabak-Ersatz bruukt. Op keen Fall avers schulln Se dat op de lichte Schuller nehmen, denn de Symptome (al bi 5 Samen) sünd:

  • Erbreken
  • Krämpfe
  • Lähmen
  • Kreislaufstören
  • Blootdruck geiht eerst na baven, fallt dann af
  • Lähmen vun de Nerven-Enden — denn ok Hart un Atemweeg

28.5.2021


na baven