 |
|
Na Folg 1, Folg 2, Folg 3, Folg 4, Folg 5, Folg 6, Folg 7, Folg 8, Folg 9, Folg 10, Folg 11, Folg 13, Folg 14, Folg 15 Aadlerfarn (Pteridium aquilinum) Dat gifft vele verschieden Sorten, Orten vun'n Farn — Dusende un Dusende. Een dorvun is de Aadlerfarn, een vun uns heimische Farne, den jedereen kennt un de ok as Wieser för sure Böden gellt. Un he is ganz besünners giftig.
De ganze Plant is giftig un hett vele giftig Stoffe in sik, ünner annern ok Blausäure. Se is as en Gift-Cocktail. De Wirken vun Blausäure is fix. Dat Zellatmen warrt lahm leggt. Keen Sauerstoff kann mehr upnahmen warrn. De Dood kümmt dörch "innerlich Ersticken". Man bi Deerten, de den Aadlerfarn freet, sünd ünnerscheedlich Krankheiten as Folg vun de ünnerscheedlichen Gifte bekannt. Köh kriggt ok Darmkreevt dorvun, un sogor ehr Melk is giftig. Dorwegen is dat unbedingt wichtig, dat Köh un Peer dat nich freet.
Jakobs-Krüüzkruut (Senecio jacobaea) Anner Naams sünd Jakobskreuzkraut, Jakobsblume Jakobsgeißkraut, Jakobs-Greiskraut, St. Jakobskreuzkraut, St. Jakobsgreisblatt. Wegen den hogen Gehalt an Pyrrolizidin-Alkaloiden dörv de Plant up gor kenen Fall as Heilplant för binnen bruukt warrn! Dat Jakobs-Krüüzkruut hett de Leber in't Visier. Wenn wi ok bloots lütte Mengen dorvun upnahmen hebbt, warrt uns Leber al angrepen. Na vele Johren kann't denn to Leberkrebs kamen. Warrt grötter Mengen upnahmen, köönt Leberschäden entstahn, de den Dood bringen köönt.
Jakobs-Krüüzkruut is bannig giftig för Peer, Köh, Schaap, Zegen. Dat Veeh fritt dat frische Kruut bi 't Weiden nich. De hoge Gehalt an Bitterstoff höllt se dorvun af. Se freet rundüm de Plant allens af, so dat dat Jakobs-Krüüzkruut goot Platz hett, sik to entwickeln. Gefährlich warrt dat för Peer aver, wenn dat Jakobs-Krüüzkruut mank dat Heu kamen is. Dröögt wirkt de Bitterstoffe nich mehr so un de Deerten freet dat Kruut mit. Dat kann to Besweer vun de Leber (lebertoxisch) bet hen to 'n Dood föhren. 30.1.2022
|
Anke
Nissen
