Kole Feut? Keen Probleem för mi!Woso freiset bi Väögels in' Winter nich dei Feute af?

Ut Spektrumdirekt, in Platt bröcht vun Ludgerd Lüske


Vaogelfeute sünd meist spiersk un naokig un laotet, as mössen ehre Eigner doräöver väl Warmte verleisen. Bi leege Temperatuuren kort äöver null Graod Celsius sett dei fedderten Deierts ein utklamüstert Aoderwark in ehre Beinkes in' Gang. Anners lett dat neern den Frostpunkt: Af hier mutt dat Fautgewäv vör't Affreisen woahrt wern — is woahrhaft tau'n Rettken.

Is Winter!Jedein kennt in' Winter den hungern Singvaogel in den eigen Goarn of in den anliggen Park. As lüttke Fedderbällkes hüppket Roodbost, Meesken un Draußels ümmetau of sittet dick gägen Kölde uppluused up'n Taug. Aover kick man up ehre Beinkes un Feute, krigg man't Gruusen. Up spierske Stelten aohne Feddern, meest blots ut Knaoken, stäökert dei Fedderdeierts äöver dei iniesede Unnerlaoge. Van eine isolieren Fettlaoge bruks nich schnacken, aover dei Beine blievet uk bi leege Temperatuuren gangboar un hebbet De Reiher hett teemlich lange Fööt...Blautdörloop. Möß nu nich dat dör dei Feute ümloopen Blaut 'n Barg Warmte bie dei välen Aoderbaogens an dei kolde Butenwelt afgäben? Un wörd et denn nich as ein binnen van den Vaogel warken Keuhlmiddel trüggeloopen un den den lüttken Balg geföhrlik utkeuhlen?

Dat Lünek un Co. in' Winter nich dei Riege nao dör sükeine Keuhlkeeden van' Taug kippen daut, ligg an dei b'sünnern Aoderanlaoge in ehre Beine. Dei ut den Balg in dei Beine daolloopen Schlagaodern warket mit dei van dei Feute upstiegen Vänen as ein Gägenstromwarmtetuschker. Dortau is ein engen Kontakt tüschken disse twei Aoderwarke nödig. Watervagels as de Kanadagoos hebbt dat Problem verschäft!Dwarschkschnäen Vaogelbeine wieset so uk Schlagaodern, dei van dünnwannige, faoken vertwiegde Vänen bold heelmaols äöverdeckt werd.

Vagelfoot

Dat Blaut in dit Venenflechtwark äövertnimp einen grooten Deil van dei Warmte ut dat afstiegen Schlagaoderblaut — et werd sotauseggen vörwarmt vördem et wer in den fienfeuhligen Balgkarn trüggelöpp. In' Gägentoch keuhlt dei Schlagaoder dütlik af, un ehr Blaut kump vör"Dat is kooooolt!"keuhlt in dei Feute an. Dormit kann dat suurstoffrieke Blaut uk nich mehr väl Warmte an dei kolden Butenluft verleisen, wenn et nao dei daon Versorgungsarbeit in dei Vänen wer nao't Harte trüggelöpp — un dör dei Schlagaoder van neien upwarmt werd. Dit System is hocheffektiv: Eine Möwe, dei man in' Verseuk för twei Stünn' in Ieswaoter stellt harr, verlöös blots 1,5 Prozent van ehre Stoffwesselwarmte äöver dei Feute.

Ein heel ähnliket Prinzip is näbenbi uk in dei fienen, nich fettisolierten Flossen van Wale un Robben ümmesettet, dei dör dei kolden Meere pleuget un nich tauväl Warmte an dei natte Ümgäbung verleisen drövet. Sülvs Seekeihe hebbet Schön hooch de Fööt bi koles Weder!Warmtetuschkers in dei Extremitäten. Disse Deierts schlingert sachte dör warmet, tropischket Waoter, aover dei in dei Seekau binnenloopen Stoffümsatz is so minne, dat all ein bitken Utkeuhlen läbensgeföhrlike Kreislaufprobleme möck. Sogoar in use Beine warket dat Weer an den Blautdörloop: Bi hoge Temperatuuren flütt dat meeste Blaut in dei Vänen noahe unner dei Huut trügge — Warmte spoaren is nich nödig. Bi Kölde aover söch sik dat trüggeloopen Blaut sienen Weg dör deip in't Bein liggen Vänen un tuschket Warmte mit dei Haupschlagaodern ut.

Wisse giff et bi Kölde nich blots dat Problem mit dat Warmtespoaren, sünnern uk dei Gefoahr van't Affreisen van tau daone afkeuhlte Lievanhänge. Un dormit hett dei Warmtetuschk — jüs in dei spierschken Vaogelbeinkes — uk sien End. Sacket dei Temperatuuren unner den Frostpunkt, drövet dei Feute nich mehr mit stark afkeuhltet Blaut versorgt wern, süß kann wat verfreisen, wördör dat Gewäv heelmaols kaputt geiht. Leip dorbi is, dat dei Warmteverlust unner null Graod Celsius proportschionaol anstigg. Et mutt dortau Warmte baobenschup freisett wern, üm in dei süftigen Tied den Liev up dei Bedrievtemperatuur tau hollen un kiene Iesfeute tau kriegen. Väle Väögels bewarket dit up eine Oart, dei wie uk van use iesigen Beläven her kennt: dei högt den Stoffwesselafloop up, indem dei rettket — meest mit ehre starke Bost, dei Fleigmuskeln, un hollt sik sülvs un dei Feute so warm.

"Hest kole Fööt?" -- "Nee, du?"


© spektrumdirekt


na baven