Afscheed vun Adolf Kindt

An'n 18.11. is uns Maat Adolf Kindt, de Verfater vun de Andachten Kehrt üm!, Zachäus, ...wodennig ji leven doot, Dat nie Leven, He nich!, Babenan un vun vele annere, hier nich veröffentlichte Andachten, för jümmer vun uns gahn.

Wi willt jümmer an denken:
De wohre Sünn lücht üm Middernacht.

Truur!
Alleenigkeit snert.
Swoor dat Aten.
Horkst! Allens still!

Truur!
Ok nu allens still.
Un morgen.
Un denn ok.

Truur!
Keen Spuur
vun uns Maten.
Keen Spuur?

Truur!
Sühst nix,
höörst nix,
allens so leddig.

Truur!
Een Spuur
vun em!
Erinnern!

Ja,
Erinnern.
Un vun em
vertellen.