G
Afkörten för Gigabyte.
Vun Ingelsch "ghost"= Spöök. Wenn Se in en Menü oder op en Symbolliest en Befehl finnt, de hellgries utsüht un nix deit, wenn Se darop klickt, denn is de geghostet. Dat heet, dat de Befehl jüst nu nich praat steiht, wieldat dat keen Sinn hett. In düt Bild is to'n Bispill de Befehl Kopieren geghostet. De Grunn dorför is, dat dor noch nix markeert weer. Un denn weet de Computer ja nich, wat he kopeern schall, un lött dat denn ganz na.
De Befehle Ausschneiden un Kopieren sünd geghostet.
De Kassen ut (mehrst griesen) Metall, 'neem de eentliche Computer mit all sin Elektronik in stekt.
Afkörten för Gigahertz.
Afkörten för Graphics Interchange Format. En Dateiformat för Grafikdatein. Mit düt Format kann een good Grafiken spiekern, de wenig Farven un klore, mehrst grade Kontuurn hebbt — also künstliche Biller, Icons, Logos usw. Babento kann dat transparente Berieke spiekern un ok Animaschoonen. Dorwegen is dat in't WWW, tosamen mit JPG, an'n mehrsten begäng. — Mit GIF kannst nich mehr as 256 Klöören spiekern.
Een Milliarde Bytes. Afkört GB.
Een Milliarde Hertz. Afkört GHz.
Warrt "Gugel" utspraken. En Söökmaschien (un twoors opstunns — 3.Quartal 04 — de bekannteste). Is ünner de URL www.google.de (op Hoochdüütsch) to kriegen, is ümsüss, heel licht to bruken un gifft gode Ergeevnissen.
En Koort, över de alle Daten, de op'n Billschirm wiest warrn schallt, lopen mööt; de Koort sorgt dorför, dat de Billschirm dor in rechte Wies mit fodert warrt. Vun ehr hangt dat ok af, wa gau de Biller op'n Billschirm wesseln köönt; se is ok tostännig för de Billschirmoplösung un Farvdeepde. De möögliche Oplösung un Farvdeepde warrt fastleggt dör en lütten Extra-Spieker op de Grafikkoort. Is de heel lütt, kann dat Bild nich so good utsehn; is he groot, kann de Grafikkoort veel Bildpünkt (Pixel) un Farven togliek weddergeven. — Bi niege Mainboards is de Grafikkoort faken al integreert, so dat dat keen echte Instek-Koort mehr is.
Dat sünd de Benütter-Överflachen, de mit Finster un Muus kaamt. Hüüttodag sünd dat binah alle. Dat Gegendeel sünd "kommandozeilen-orientierte Benutzeroberflächen". Dar mööt Se de Befehlen utwendig weten un vun Hand intippen. Dat weer fröher mal wiet un sied de Bruuk, man dat is heel unkomodig.
...bringt Se mit de Umschalt-Tast tostann, dat is de twete Tast vun nerrn ganz links op de Tastatuur. Umschalt + Bookstaav = Grootbookstaav. Steiht op en Taste twee Teken, een baven un een nerrn, dennso kriggt Se mit Umschalt + Taste dat Teken baven.
Kaamt nu bloots noch Grootbookstaven, denn hebbt Se staats de Umschalt-Tast de Feststelltast (Caps Lock) faatkregen. Een Druck op düsse Tast, un dat gifft bloots noch Grootbookstaven. En lütte Lamp (LED) op de Tastatuur lücht, wenn de Tast aktiveert woor. — Se köönt dat wedder opheven, indem dat Se entweder nochmaal de CapsLock-Tast drückt orr eenmal de normale Umschalt-Tast daldrückt.
Afkörten för "Graphic User Interface", dat is de grafische Benütter-Överflach.
