T
En Programm, dat Tallenmateriaal in Formeln verarbeid, Bereknungen dörföhrt un Diagramme ut maakt. Dat an'n mehrsten bekannte is Excel. So en Programm brukt een för koopmännische un ok för wetenschapliche Opgaven.
Dat Bild wiest en Utsnitt ut en Excel-Tabell mit en Diagramm.
Mehrst is dormit de Frequenz meent, mit de de Prozessor in'n PC arbeiten deit. He arbeit nich kontinuierlich, man schrittwies, so as fröher de Galeerenslaaven na den Rhythmus vun en Trummel wurachen dään.
Frequenzen warrt prinzipiell in Hertz meten; avers wenn se heel hooch sünd (un dat sünd se hier), warrt dat in Millioonen Hertz, also in Megahertz (Afkörten: MHz) utdrückt. Dat gifft an, wa veel Operaschoonen de Prozessor pro Sekunn dörföhrn kann. Dat sünd heel lütte Operaschoonen, avers je mehr dat sünd, desto gauer geiht SeEhr ganze Arbeit vöran. Bi niege Prozessoorn sünd dat nu (4.Quartal 02) al bi 2,7 GHz.
Man nich bloots de Prozessor arbeit na en Takt, sünnern ok de Bus op dat Mainboard. De driggt ok to dat Tempo vun'e Arbeit bi!
Kort för "Transakschoonsnummer", de Kennummern, de Se för elkeen enkelten Vörgang bi't Online-Banking bruukt. — En Alternative to TANs is HBCI.
En Task (Ingelsch "Opgaav") is en Programm, dat aktuell löppt. Dat köönt mehrere Programme togliek ween. Faken arbeid Se bloots in een Programm totied, de annern sünd eenfach apen, man slaapt vör sik hen. Man wenn würklich stückerwat Programme to glieke Tied bearbeid warr, nöömt een dat Multitasking.
De Liest, de nerrn op'n Desktop sitt un normalerwies ok jümmers to sehn is. Se hett ünnerscheedliche Berieke. An'n wichtigsten sünd de Start-Knoop un de Beriek, 'neem för elk Programm, dat graad apen is, en Schaltflack sitt. Dorvun hett de Taskliest ok ehrn Naam (süh bi Task). Dat Bild wiest de Taskliest mit ehr Berieken in Windows 98.
En Systemprogramm vun Windows, dat alle lopen Tasks överwacht. Se köönt em opropen, wenn Se togliek de Tasten Strg + Alt + Entf drückt (süh ok Affengriff). Denn kümmt as in dat Bild rechts en Dialoog mit stückerwat Registerkoorten vörtüüg. Op de eerst Registerkoort Anwendungen seht Se de Programmen, de jüst an't Lopen sünd — de Se ok in de Taskliest sehn köönt. Is een dorvun afstört, denn köönt Se't hier anklicken un denn op Task beenden klciken. So warrt Se dat "hangen" Programm los, un wenn allens good geiht, köönt Se dorna normaal wiederwarken.
Op de annern Registerkoorten, sünnerlich bi Prozesse, schulln Se nix verännern, wenn Se nich heel good Bescheed weet.
De wichtigste Reedschap to'n Ingeven vun Daten un Befehlen. — Dat gifft natüürlich Tastatuurn in vele Spraken to köpen. Welk Bookstaven orr Teken mit de enkelten Tasten verbunnen sünd, dat regelt avers nich de Bookstaav (orr dat Teken), de baven op de Tast to sehn is, man de Tastatuur-Driever.
Mehr to de Tastatuur: Süh bi Teken, Sünnerteken, Alt, AltGr, Strg, Shortcut, Ziffernblock.
En Driever, de twüschen dat Bedreevssystem un de Tastatuur vermiddelt. De Tastaturdriever is ok för tostännig, welk Spraak de Tastatur schrifft; denn he is dat, de dat Bedreevssystem vertellt, welk Teken dat opteknen schall, wenn en bestimmte Tast daldrückt warrt. Wenn Se stückerwat Tastaturdrievers op SeEhrn PC to Verfögung hebbt, köönt Se wahlwies de Tastatuur ümschalten; Se köönt denn mit en düütsche Tastatuur kyrillische, araavsche orr ok chineesche Teken produzeern. Orr ok mit en ingelsche Tastatuur düütsche orr spaansche Teken usw. Se mööt sik denn bloots merken, welk Teken ünner welk Tast sitt.
För den PC is dat totaal egaal, wat baven op de Tasten druckt is; dorvun weet dat nix. Bloots op den Driever kümmt dat an.
En Norm, de regelt, wa veel Strahlung Röhrenmonitore (süh ok Bildschirm) afgeven dröfft. Dat is wichtig för de Gesundheit vun de, de dormit arbeid. De TCO-Norm, de nu güllig is, heet TCO99.
Warrt "Tisipi-eipi" utspraken. Afkörten för Transmission Control Protocol/Internet Protocol. Dat Protokoll, na dat de Informaschoonsverkehr in't Internet löppt. De wichtigste Egenschap vun TCP/IP is sachs, dat de Informaschoon in lütte Paketen opstückelt warrn kann, de denn enkelt dör't Internet na ehrn Bestimmungsoort loopt - amenn noch alle op ünnerscheedliche Weeg un in de falsche Reegnfolg. Dat maakt dat TCP/IP gor nix ut; dat hett de Paketen nummereert un kann de hele Informaschoon an't Enn wedder tosamenstückeln, so dat dat korrekt ankümmt. — Süh ok na bi IP-Adresse.
So nöömt de Firma T-Com (fröher Telekom) ehr DSL-Produkt.
En Datei, de automaatsch anleggt warrt un nich op Duur brukt warrt. Faken warrt temporäre Datein vun Programme anleggt, avers nich wedder löscht. Mennig temporäre Datein ehr Naams fangt mit de Tilde ~ an.
Dat Bild rechterhand wiest poor temporäre Datein in den Ordner C:/Windows/Temp, as se mit'n Windows-Explorer to bekieken sünd.
De Websieden, de Se ansurft hebbt, warrt as "temporäre Internetdatein" spiekert. Eentlich is dat de Browser-Cache, de op de Fastplatt schreven warrt. Sitt in den Ordner "Temporary Internet Files".
Düsse Datein maakt dat mööglich, dat Se ok offline noch mal na den Inholl vun Websieden kieken köönt, de Se al besöökt hebbt. Wenn Se avers vör annere Benütters vun densülvigen Computer verbargen wüllt, woneem Se rümmersurft sünd, denn löscht Se de Datein. Dorto ropt Se t.B. in den Internet Explorer Menü Extras | Internetoptionen op (Bild linkerhand), gaht op de Registerkoort Allgemein un klickt op Dateien löschen. — Klickt Se op Einstellungen, köönt Se ok nau sehn, woneem de Datein sitt (Bild rechterhand).
Dusend Milliarden Bytes.
Ingelsch "Endstation". En Staschoon vun en Nettwark orr vun en groten Zentralrekner. Terminals vun grote Zentralrekners hebbt mehrst bloots Billschirm un Tastatur, keen Spieker un Prozessor un nix süss; dat dä allens de Zentraalrekner. Man de Tied vun düt Prinzip is eentlich vörbi.
De Schrievmarke bi't Text-Ingeven, de wiest, woneem dat neegste Teken landt, dat Se tippt. Süh ok bi Cursor.
Textverarbeitungsprogramm, Schreibprogramm
En Programm to'n Schrieven, Korrigeern, Gestalten un Layouten vun Text. An'n mehrsten bekannt is Microsoft Word, dat en Deel vun't Microsoft Office-Paket is.
Afkörten för ingelsch Thin Film Transistor. En Ünneraart vun de LCD-Technik. Mit de TFT-Technik warrt de vundaag mehrsten Flachbillschirmen för Computers herstellt.
Afkörten för Trivial File Transfer Protocol, "eenfaches Dateiöverdragungsprotokoll". En afspeckte Verschoon vun dat Protokoll FTP, de veel weniger Mööglichkeiten hett.
Afkörten för Top Level Domain.
Utspraken "Tuul", ingelsch "Warktüüch". En Tool is en lütt Programm orr en enkelte Funkschoon in en Programm, de för en bestimmte Opgaav nödig is. Bispill: En Tool as sülvstständiges Programm is t.B. en Programm, dat en bestimmten Virus vun de Fastplatt verjagen kann — bloots den een Virus; en Tool is nienich en ganzen Virenscanner. Inbuute Tools finnt een mehrst op en Warktüüch-Symbolliest (Toolbar).
Utspraken "Tuulbaar". En "Warktüüch-Liest", en Sammelsuus vun lütte inbuute Tools, also Warktüüch-Funkschoonen in en Programm. In dat Bild rechterhand is so en Toolbaar wiest.
Süh na bi Quickinfo.
De Deel vun de URL, de angifft, ut welk Land de Domain kümmt orr in welk Themenberiek se tohuus is, t.B. "de" för Düütschland usw. In de USA hebbt de Domains mehrst Top-Level-Domains, de den Themenberiek angeevt, in anner Länner sünd mehrst de naschonaalen Top-Level-Domains begäng. Süh Tabell nerrn.
business (Geschäft) Fleegtüüch-Firmen. Woto de en egen Top-Level-Domain bruukt, schall mi mal een verklaarn. Spanien Europääsche Unioon Finnland Frankriek Grootbritannien Griechenland Ungarn Irland Israel Indien Italien Japan Liechtensteen Luxemborg Mexiko Nederland Niegseeland Polen Portugal Russland Sweden Türkei United Kingdom (Grootbritannien) Vatikan Südafrika Ingelsch "Toorn". En Buuforrm vun PC-Gehüüs. Dat Gehüüs steiht dorbi lootrecht as en lütten Toorn. Mehrst warrt dat nich op den Schrievdisch stellt, man blangenbi op den Footborrn. Vundaag kaamt de mehrsten PCs in en Tower-Gehüüs. Annere Buufoormen sünd Desktop-Gehüüs un natüürlich Notebooks.
Ingelsch "Verkehr, Bedriev". Mehrst is dormit meent, wa veel Lü per Dag en Websiet rümmersurft. "Dor is ganz schön Traffic" heet, de Siet hett veel Besökers. De Providers meet den Traffic avers in Datenmengen, t.B. in Megabyte per Dag orr Gigabyte per Maand. Ok wenige Besökers köönt veel solken Traffic maken, wenn se grote Datenmengen rünnerlaadt.
En lütt Programm, dat twüschen den eentlichen PC un de Peripherie vermiddelt. De Treiber dolmetscht quasi twüschen den PC un en frömde Reedschap. Dordör kann de Reedschap funscheneern. — Süh ok bi Tastaturdriever.
En Verwandte vun de Viren. De Trojaner hett sin Naam vun dat Trojaansch Peerd (ut den sagenhaften trojaanschen Krieg). Jüst as düt Peerd lett de Trojaner op'n eersten Blick harmlos un kümmt mennigmaal uptakelt as en bruukbaar Programm, man achterrücks maakt he Saken, vun de de Benütter nix weten dröff. De Levenszweck vun Trojaners is dat mehrst, de Kuntrull över SeEhrn PC to kriegen, Passwöör un Togangsdaten uttospikeleern un em liekto feernstüern to könen. — Gegen Trojaners hülpt en Virenscanner.
Angaav för de Farvdeepde. Is de Farvdeepde TrueColor, denn warrt för dat Codeern vun Klöören 24 Bit reserveert. Dor binn köönt 16,7 Millioonen Klöören codeert warrn.
Süh bi TTF.
Afkörten för True-Type Font. Dat is en Font, also en Schriftaart, de een stufenlos lütter orr grötter maken kann. TTF-Fonts sünd vundaag Standard in Windows. — Süh ok bi Open Type-Schriften.
Dat eenfachste Dateiformat för Textdatein. De Dateindung is .txt. In en txt-Datei köönt bloots Teken spiekert warrn, keen Formatierungen, Schriftaarten, Biller orr all so'n Schöönheitstüüch, as dat in Textverarbeitungsprogramme mööglich is. — Txt-Datein warrt mit'n slichten Text-Editor maakt.
Task-Manager
Temporäre
Datei
