W
Afkörten vun WWW.
De Adress, de Se in de Adressreeg vun'n Browser intippen mööt, dat en bestimmte Websiet opropen warrt. Heet korrekter URL. Kiekt Se dor, dor steiht mehr.
De Webadress (URL) vun de Startsiet vun't franzöösche Bladd "Le Monde"
in de Adressreeg vun'n Internet ExplorerSüh na bi Blog.
De Baas vun en Website, de sik üm kümmern mutt, dat allens dor funscheneert usw.
En Datei, de in't Internet (nauer: in't WWW) steiht un dar mit en Browser ankeken warrn kann. Sowat as düt hier!
Dat wichtigste Merkmaal vun Websieden sünd de Links.
Utspraken: "Websssait". So nöömt een en Familie vun tosamenhöörn Websieden (Webseiten), de ünnernanner verlinkt sünd. So teemlich datsülvige as en Homepage also. Bispill: Plattpartu is en Website (Homepage) un liggt ünner de Domain www.plattpartu.de. Dat besteiht avers nu (Vörjahr 2004) ut mehr as 350 Websieden (HTML-Datein), de Ünnersieden un Ünner-Ünnersieden vun de Startsiet.
De typische Stecker, mit den Se dat Modemkabel in de Buchse an't Modem stöpselt. Ok an ISDN-Kabel, Nettwark-Kabel, Telefonkabel usw. sitt düsse Stecker. Anner Naam: RJ45-Stecker. De Buchse warrt ok Westernbuchse nöömt.
Dat lüttje Rad, dat bi moderne Müüs merrn twüschen de twee Tasten sitt. Dreiht Se doran, denn köönt Se op Rullbalken meist verzichten.
En Sammlung vun Websieden, de vun de Besökers leest un ännert warrn köönt. Dordör sünd de Sieden heel dynaamsch. "Wiki" heet nämli "gau" op Hawaiiaansch. Dat woor to dat gaue Övermiddeln vun Informaschoon an vele Lü togliek erfunnen — toeerst för en Firma, dat woor avers ok gau för dat Internet nütt. Jedereen, de dat dröff, kann an en Wiki mitmaken — online över de Internet-Verbinnung un ahn groot Fisimatenten. Dat schöönste Bispill dorför is de Wikipedia, de dat op Hoochdüütsch un op Platt gifft. Wenn Se dor an mitschrieven wüllt, köönt Se dat lichthannig doon.
Utspraken "Weildkard". Dat's'n Platzholler sünnerlich bi dat Söken vun Datein. Platzholler för stückerwat Teken is mehrst de Steern *, Platzholler för een enkelt Teken dat Fraagteken ?. Wenn Se alle Datein söökt, de ehr Naam mit P anfangt, avers dat Enn is egaal un de Dateiendung ok, denn köönt Se dat so utdrücken: p*.* Dat bedüüd: Alle Datein, de mit P anfangt, also platt.doc, pausenclown.jpg, privat.htm un so wieder. Wüllt Se avers bloots en enkelt Teken unbestimmt hollen, denn söökt Se t.B. na de Datei me?er.xls — dat finnt de Datein meier.xls, meyer.xls, meter.xls usw.
En Bedreevssystem. Hett en "grafische Benutzeroberfläche". Windows ist dat Bedreevssystem, dat vundaag (Sommer 2005) an'n mehrsten vörkümmt. Mehr as 90% vun'e Privaatnütter hebbt dat.
En Programm to'n Datein verwalten in Windows. Wenn dat narms to finnen is: Startknoop rechtsklicken, in't Kontextmenü is dat! Wählt Se den Indrag Explorer.
En Packprogramm. Dat is vundaag woll dat an'n mehrsten brukte Packprogramm. Op de Computerie-Siet gifft dat ok'n Workshop dorto.
Ingelsch "LAN ahn Drahten". En Technik för Funknettwarken. De PCs t.B. in en Familie orr in en Firma köönt merrnanner vernett warrn mehrst ganz ahn Kabeln. Dat kann een vundaag licht sülven opbuun. Bruukst bloots WLAN-Instekkoorten för elk PC un en Access-Point.
Afkörten för Wireless LAN.
World Wide Web
Ingelsch för "welt-wiedes Gespinn". För't Verklaarn kiekt Se bi WWW.
En Verwandte vun de Viren. Worms kaamt klassischerwies över de Email (niege, driestere Worms kaamt al bloots över en apen Internetverbinnung). Se sünd lütte Programme, de mehrst nich den Zweck hebbt, Datein to befalln, ehr kaputttomaken un Schaden op en enkelten PC antostelln, sünnern de sik bloots lawinenhaftig utbreden schallt. Typische Worms kaamt mit en Email op den PC, freet sik dor rin, spöört allens op, wat en Email-Adress ween kunn, un verschickt sik denn dusende Maal sülven. Dat maakt bannig Arger, Emailschrott un Tiedverlust. Gegen Worms hölpt en Virenscanner.
Afkörten för "World wide web", weltwiedes Weev. En Deel vun't Internet. Dat is de Deel to'n Surfen, de Deel, de nu (4.Quartal 2002) ut 2,5 Milliarden Websieden besteiht; de Deel mit de bunten Biller un de vele Informaschoon.
Afkörten för "what you see is what you get", dat heet: du kriggst, wat du sühst. Programme, de en Datei al bi't Bearbeiten so präsenteert, as dat würklich utsüht, maakt WYSIWYG. Vundaag is dat mehrst so. Dat gifft avers ok Programme, de arbeidt anners, t.B. de Text- un Layout-Software LaTeX.
